Sal Lumen and Spiritus Mundi Philosophici

Tout ce que je doy plus justement apprehender, Monseigneur, c'est le reproche que vostre Altesse me peut faire d'employer si temerairement sa grandeur & son nom à la protection de mes labeurs, indignes de tant illustre Mœcene. Et que je debvois au moins me contenter de les avoir audacieusement prophanez une fois en les placeant au front des vers que je vous presentay il y a quelque temps; sans abuser encore un coup de vostre auguste patience. Mais je suis resolu de dire à quiconque m'en vueille blasmer, & fust-ce vostre Altesse mesme, que j'ayme trop mieux estre estimé insolent au desir que j'ay de m'acquiter aucunement de ce que je doy à vostre genereuse largesse, que me priver de la continuation de vos bienfaits par un lasche & honteux acte d'ingratitude. Outre que c'est mon destin qui me porte naturellement: car le Ciel ne m'a fait naistre que pour mourir, MONSEIGNEUR, Vostre tres-humble, tres-obeissant, & tres-obligé serviteur, DE NUISEMENT.