Buccae, foveis excavatae, loquacem, contemtorem, contentiosum, &c. Mentum oblongum cum facie longa, hominem iracundum, ad labores tardum, &c. Mentum fissum, hominem fidelem, officiosum, abditi & diversi sermonis, iam hoc loquentem, & aliud tamen intelligentem, iracundum, irae paenitentem, ingeniosum, & inventiosum.

Os magnum & parvum.

Labra attracta quid.

Labra inferne magna quid.

Os magnum amplumque, hominem voracem, insipidum, fatuum, impudentem intrepidum, &c. Os parvum, contrarium indicat. Labra attracta, ubi superius inferiore maius est, hominem iracundum, bellicosum, animosum, plerunque tamen crassorum & impudicorum morum, instar porci, &c. Labra inferne magna, crassum, stultum, & bardum, &c.

Pili cur nihil arte designent.

De crinibus vel capitis vel barbae iudicia non admodum certa fiunt, quoniam usus docet, eos miro modo variari posse, ut vel nigri, vel flavi, vel rubri, vel candidi & cani, vel crispi erumpant. Sic redduntur etiam molles vel duri, prout quisque eos desiderarit. Et hinc factum est, ut multi, Physionomicae scientiae alias satis gnari, fallerentur turpiter, dum de crinibus iudicium temere facerent, astris imputantes, quae ipsis potius hominibus ascribenda fuerant. Negari tamen minime potest, capillos firmiter in capite defixos, & capitis & totius corporis bonam valetudinem indicare. Haec etiam caussa est, cur equorum emtores caudam illorum vellant, ut hoc modo de sanitate eorum iudicare possint. Sic porci probantur ex setis, pisces ex pinnis & squamis, avis ex pennis, &c.

Collum procerum quid.

Lati humeri quid.

Brachia lacertosa quid.

Manus durae quid.

Corpus, &c.