Magni notant avarum, voracem, maxime si extra caput promineant. Oculi assidue nictantes, indicant visum debilem, & hominem timidum & sollicitum: oculi, qui velocius huc illuc moventur ad aspectum hominum, indicant cor amatorium, prudens, & expeditae inventionis. Oculi assidue deiecti indicant hominem verecundum & modestum. Oculi rubei hominem audacem, fortem, &c. Lucentes oculi, nec facile mobiles, indicant Heroem, magnanimum, fortem, alacrem, hostibus suis formidolosum, &c.

Aures magnae quid.

Depressae.

Aures magnae indicant probum auditum, bonam memoriam, attentionem, diligentiam, sanum cerebrum & caput, &c. Aures depressae mali augurii sunt. Indicant enim plerunque hominem maliciosum, fraudulentum, iniquum, & malum auditum, malam memoriam, hominem impavidum, & facile sese periculis exponentem.

Nasus longus quid.

Simus quid.

Acutus quid.

Promissus quid.

Nasus longus, & deorsum incurvatus boni signi est. Notat hominem strenuum, prudentem, occultum, immitem, & tamen iustum, &c. Nasus simus indicat hominem malignum, falsum, libidinosum, mendacem, inconstantem, &c. Nasus acutus, hominem versipellem, illusorem, &c. Nasus promissus, hominem tardum in omnibus negotiis, &c. odoratu tamen insignem, &c.

Buccae foveis excavatae quid.

Mentum oblongum quid.

Mentum fissum quid.