Ex ferro plumbum.

Ex cupro plumbum.

Ut autem ♀ in ♄ transmutetur, ita procedendum est: Primum omnium cuprum ☿ sublimato & arsenico fixo in album redige, candidum ut ☽, postea granulato: huius & boni pulveris reductivi recipe ana, & primo quidem cementa, postremo in regulum funde, & habebis verum plumbeum regulum.

Ex plumbo cuprum.

Contra vero ut plumbum in cuprum transmutetur facile fit, neque opus est singulari industria, nempe sic: Laminas plumbi vitriolo calcinato, vel croco Veneris stratifica, cementa, & postremo liquefac, & videbis quodlibet nativum plumbum in bonum, ponderosum & ductile cuprum transmutatum.

Electrum simile auro.

Si iam tale cuprum vel quodvis aliud cuprum ita laminetur, & cum Thuria & Calaminari stratificetur, cementetur, & postremo fundatur, in egregium electrum ad rubrum transmutatur, simile auro.

Ex plumbo stannum Anglicum facere.

Si velis ♄ in ♃ transmutare, lamina ♄ & stratifica cum sale Armoniaco, cementa, & postremo funde, ut supra dictum est: ita plumbo omnis sua nigredo & obscuritas tollitur, & in albedine pulcherrimo Anglico stanno similis fit.

Oleum sulphuris transmutat gemmas.

Sicut autem audivistis in brevi summa aliquot transmutationes metallorum: ita porro sciatis de transmutationibus Gemmarum, quae quidem etiam variae sunt & neutiquam similes. Videtis enim quanta transmutatio gemmarum in oleo sulphuris lateat. Quilibet enim crystallus in eo tingi & transmutari potest, & cum tempore distinctis coloribus graduari, ut Hyacintho Granato, vel Rubino similis fiat.

Magnetis transmutatio quis fiat. Mira confortatio magnetis.