Resinae, &c.

Mortificatio carabarum, resinarum, terpentinae & gummi est, ut in oleum vel vernicem redigantur.

Herbarum, &c.

Mortificatio herbarum, radicum, & similium est, ut ab ipsis oleum & aqua eorum distilletur, & liquor exprimatur torculari, & praeterea alcali extrahatur.

Ligna, &c.

Mortificatio lignorum est, ut in carbones vel cineres vertantur.

Ossa, &c.

Mortificatio ossium est ipsorum calcinatio.

Caro, &c.

Mortificatio carnis & sanguinis est ablatio spiritus salis.

Aquae & ignis, &c.

Mortificatio aquae fit per ignem. Nam calor ignis exsiccat & consumit omnem aquam: ita mortificatio ignis fit per aquam: aqua enim extinguit ignem & aufert ipsi suam vim & efficaciam.